Италия чемпионати 23-тури доирасида «Рома» сафарда «Кьево» меҳмони бўлиб, йирик ҳисобда ғалаба қозонди.

Баҳснинг 9-дақиқасида Стефан эл-Шааравий ҳисобни очган бўлса, орадан 9 дақиқа ўтиб Жеко фарқни иккитага оширди. Иккинчи бўлим бошида Коларов учинчи голни урди ва ўйин тақдирини ҳал қилди.

Римликлар ушбу ғалабадан сўнг ўз очколарини 38тага етказиб, жадвалда 4-ўринга кўтарилиб олишди.

Италия А серияси, 23-тур
Кьево – Рома 0:3 (0:2, 0:1)
Голлар: 0:1 – 9 Эл-Шааравий, 0:2 – 18 Жеко, 0:3 – 51 Коларов.
Кьево – Соррентино, Фрей (Депаоли, 39; Скелотто, 72), Бани, Россеттини, Барба, Лерис, Диуссе, Хетемай (Пьязон, 59), Жаккерини, Жоржевич, Стемпиньски.
Рома – Миранте, Карсдорп, Фасио, Маркано, Коларов, Кристанте, Нзонзи, Дзаньоло (де Росси, 76), Шик (Флоренци, 59), Жеко, Эл-Шааравий (Клюйверт, 86).
Огоҳлантиришлар: Кристанте (14), Дзаньоло (17), Барба (21).