Осиё Футбол Конфедерацияси 12 февраль куни Олмалиқ шаҳрида бўлиб ўтадиган Осиё Чемпионлар лигаси 2019 саралаш босқичидан ўрин олган АГМК  ва Тожикистоннинг «Истиқлол» жамоалари ўртасидаги баҳсни бошқариб борувчи ҳакамлар рўйхатини эълон қилди.

Учрашув бош ҳаками сифатида жанубий кореялик ФИФА рефериси Ким Донг Жин тайинланган бўлса, унга қанотларда австралиялик лайнсменлар Жорж Лакридис ва Риан Марк Галлахер кўмаклашади. Захира ҳаками қирғизистонлик Дмитрий Машенцев. Ҳакамлар назоратчиси қатарлик Жассим Мухаммад ал-Хайл бўлса учрашув комиссари сифатида Қирғизистон Республикасидан Кемел Токабаев иш олиб боради.

Осиё Чемпионлари Лигаси-2019
Иккинчи саралаш босқич
12 февраль (сешанба)
АГМК (Ўзбекистон) – «Истиқлол» (Тожикистон)
Учрашув 16:00да ОКМК спорт мажмуасида бошланади.

12 февраль кунги АГМК - "Истиқлол" учрашувини бош ҳаками учун ОКМК спорт мажмуаси бегона эмас. 1973 йилда таваллуд топган жанубий кореялик ФИФА рефериси Ким Донг Жин 2014 йил 12 ноябрь куни Олмалиқ шаҳрида бўлиб ўтган Ўзбекистон кубоги финалида "Бунёдкор" ва "Локомотив" тўқнашган финални бошқариб борганди.

Умумий статистикага назар солсак, Ким Донг Жин юртимиз жамоалари иштирокидаги 18 ўйинда ҳакамлик қилган.

Ким Донг Жин бошқарган ўйинлар:
1.  ОЧЛ-2008 гуруҳ босқичи. “Ал-Иттиҳод” (Сурия) – “Бунёдкор” 0:2
2.  ОЧЛ-2009 гуруҳ босқичи. “Ал-Ҳилол” (C.Арабистони) – “Пахтакор” 2:0
3.  ОЧЛ-2009 1/8 финал. “Персеполис” (Эрон) – “Бунёдкор” 0:1
4.  ОЧЛ-2009 1/4 финал. “Ал Иттиҳод” (С.Арабистони) – “Пахтакор” 4:0
5.  ЖЧ-2010 саралаши. Ўзбекистон – Сингапур 1:0
6.  ОЧЛ-2010 гуруҳ босқичи. “Бунёдкор” - “Ал-Ваҳда” (БАА) 4:1
7.  ОФК кубоги 2011. Финал. “Насаф” – “Қувайт” СК (Қувайт) 2:1
8.   2012 йилги Олимпиада саралаши. Ўзбекистон - Ироқ 2:0
9.  ОЧЛ-2014 гуруҳ босқичи. “Ал-Фотиҳ” (С.Арабистони) – “Бунёдкор” 0:0
10.  ОЧЛ-2015 гуруҳ босқичи. “Бунёдкор” – “Персеполис” (Эрон) 0:1
11.  ОЧЛ-2015 гуруҳ босқичи. “Локомотив” – “Ал-Садд” (Қатар) 5:0
12.  ОЧЛ-2016 плей-офф босқичи. “Бунёдкор” – “Ал-Шабаб” (БАА) 2:0
13.  ОЧЛ-2016 гуруҳ босқичи. “Ал-Иттиҳод” (С.Арабистони) – “Локомотив” 1:1
14.  ОЧЛ-2016 гуруҳ босқичи. “Пахтакор” – “Трактор Сози” (Эрон) 1:0
15.  ОЧЛ-2016 гуруҳ босқичи. “Насаф” – “Ал-Айн” (БАА) 1:1
16.  ОЧЛ-2016 гуруҳ босқичи. “Лаҳвия” (Қатар) – “Бунёдкор” 0:0
17.  U-23 Осиё чемпионати 2018. Қатар – Ўзбекистон 1:0
18.  ОЧЛ-2018 гуруҳ босқичи. “Персеполис” (Эрон) – “Насаф” 3:0