18 ёшли ҳимоячи Зек Медли “Арсенал” билан янги битимга имзо чекди. Бу – унинг профессионал фаолиятидаги иккинчи шартномаси.   Медли ушбу мавсумда “канонирлар” сафида учта баҳсда иштирок этди. У илк бора “Арсенал” билан​ 2017 йилнинг августида шартнома имзолаган эди.   “Бу жуда ажойиб. Клуб билан янги шартнома имзолашдан жуда мамнунман ва фахрланаман. Мен “Арсенал”ни болаликдан қўллаб-қувватлайман. Бу ерда ўйнайдиган футболчиларни ёшлигимдан бери кузатаман. Ҳаммаси ажойиб.   Албатта, Лондонда ўйнаб кета оламан. Бу учун менда ҳаммаси етарли”, - дейди футболчи ўз интервьюсида.   Эслатиб ўтамиз, тўпчилар Англия премьер-лигасининг 26-туридан сўнг, 50 очко билан бешинчи ўринда боришмоқда. Улардан юқори ўринда бўлган “Манчестер Юнайтед” ҳисобида эса 51 очко мавжуд.