«Аякс» клуби бош мураббийи Эрик тен Хаг Чемпионлар лигаси 1/8 финал илк баҳси доирасида «Реал»га қарши кечган ўйиндан (1:2) сўнг ўз фикрлари билан ўртоқлашди.

"Биз учрашувда анча вақт ўз ўйинимизни намойиш қила олдик, прессингда агрессив ҳаракат қилдик ва тўп билан яхши ишладик.

Биз янада аниқроқ ўйнашимиз керак эди. Бу "Реал"га қарши ўйинларда жуда муҳим, акс ҳолда улар ўйин тақдирини ҳал қилиб қўйишади.

Ажойиб руҳият учун жамоамга раҳмат айтаман. Бу бизга ишонч бағишлайди.

Бу шармадалик. Ҳакамлар бизга ҳар хил тушунтириш беришди – дарвозабонга ҳалал бериш, офсайд.

Мен такрорий вазиятни кўрдим, яна бир ҳолатга эътибор қаратиш керак эди – бошқа томондаги футболчига. Бу ҳолатда оффсайд бор деб ўйламайман", дейди Ханг