Туркияда ўқув-машғулот йиғинини ўтказаётган Навоийнинг “Қизилқум” футболчилари кеча йиғин давомидаги иккинчи назорат учрашувини ўтказишди.
Навоийликларнинг бу галги рақиби Қозоғистоннинг “Тараз” клуби бўлди.
Муросасиз кечган баҳсда навоийликларнинг қўли баланд келди. Учрашувнинг 76-дақиқасида Элгужа Григалашвили томонидан киритилган гол футболчиларимизга ғалаба келтирди. Грузиялик ҳужумчи жамоадоши Шерали Жўраевдан тўпни қабул қилиб олгач, ўзига хос тарзда рақибнинг 2-3 нафар футболчисини алдаб ўтиб, жарима майдончасига кириб борди ва тўпни узоқ бурчакка жойлаб қўйди-1:0.
Мазкур беллашувни “Қизилқум” қуйидаги таркибда ўтказди: Черемисин, Убайдуллаев, Каримов,Қамбаров, Ярашев, Усмонов, Бойматов, Бойдуллаев, Саноев, Леука, Григалашвили.
