“Андижон” клуби янги мавсум ADIDAS компаниясининг бренди остида ўйнайди. Бу ҳақда клуб матбуот хизмати хабар бермоқда.

Маълум қилинишича, янги мавсумга жиддий тайёргарлик кўраётган “Андижон” чемпионат олдидан бир қатор Жаҳонга машҳур спорт кийимлари ишлаб чиқарувчи бренд компаниялар билан музокара олиб борган.

Музокаралар натижасида “Андижон” футбол клуби раҳбарияти 2019 йилги футбол мавсуми учун “ADIDAS” бренди маҳсулотларидан фойдаланишга қарор қилди.

Маълумки, бугунги кунда дунёнинг кўплаб клублари, шу жумладан Ўзбекистоннинг етакчи жамоалари ҳам айнан “ADIDAS” бренди эпикировкаларидан фойдаланиб келмоқда. Ушбу жамоалар қаторига энди “Андижон” ҳам қўшилди.

Жамоанинг уй формаси қуйидаги кўринишда бўлади.

Жамоанинг сафар формаси эса қуйидаги кўринишда.