Ўзбекистон Профессионал футбол лигаси бош директори ўринбосари Диёр Имомхўжаев “Динамо” ва “Сурхон”ни Суперлиганинг янги мавсумуди иштирок этиши тўғрисида фикр билдирди.
“Сурхон” ва “Динамо” Суперлигада. Шундай бўлди, ЎФА шундай қарор қабул қилди.
Биз эса ҳозирча “Бунёдкор”ни сақлаб қолганимиздан хурсандмиз. Нимагадир эришиш учун нимадандир воз кечиш керак бўлса, биз яхши бир клубни асраб қолиш эвазига Суперлига принципидан воз кечдик.
Бугун ҳеч қандай изоҳларни ўқимайман. Ҳаммасига қўл силтаб кетиш ҳам бир йўл. Аммо бу ҳамманинг қўлидан келган бўларди. Бу осон енгилиш, бу осон таслим бўлиш. Бир қадам орқага, икки қадам олдинга юриб бўлса-да бирор нимага эришишга ҳаракат қиламиз.
Муҳими ПФЛ ва ЎФА ўз зиммасида бўлган барча вазифани бажарди. ПФЛ охиригача ўз принципларида туришга ҳаракат қилди. ЎФА эса футболга пул бераётган тарафни эшитишга мажбур. Бизда давлат барча клубларни, термаларни қўллаб-қувватлайди. Клублар хусусий бўлмагунича спорт принциплари ҳақида эшитишни истамайман. Раҳмат ҳаммага!", -деб ёзади Имомхўжаев.