"Шерлар" назорат учрашувида "Динамо"ни кичик ҳисобда доғда қолдиришди.

Ўйинда мураббийлар аввалги беллашувда асосий таркибдан ўрин олмаган футболчилар ҳолатини синовдан ўтказишди.

Тошкентликлар ташаббуси остида ўтган баҳс тақдирини 43-дақиқада Игорь Сергеев томонидан киритилган ягона гол ҳал қилди. У бирга-бир вазиятда рақиб посбонини алдаб ўтиб, бўш дарвозага тўпни йўллади.

"Пахтакор" навбатдаги учрашувни 5 март куни Теҳронда Чемпионлар Лигаси гуруҳ босқичи 1-турида "Персеполис"га қарши ўтказади.

"ПАХТАКОР" - "ДИНАМО" - 1:0

Гол: Сергеев, 43 - 1:0.

"Пахтакор": Ҳамроев (Эргашев, 46), Салимов, Аҳмадов, Асқаров, Козак, Раҳматуллаев (Синдаров, 64), Собирхўжаев, Абдураҳимов (Маҳмудҳожиев, 64), Сидиқов (Иминов, 46), Яхшибоев, Сергеев.