«Челси» раҳбарияти ярим ҳимоячи Эден Азар билан футболчининг келажаги борасида музокара олиб бормоқда.
Le10Sport тарқатган хабарга кўра, клуб бельгиялик футболчига янги шартнома таклиф қилмоқда. Агар Азар янги шартномага рози бўлмаса ҳам, жамоа уни келаси мавсумда ҳам ўз сафида олиб қолиш нияти борлигини маълум қилган. Эденнинг "Челси" билан шартномаси 2020 йилнинг июль ойида якунига етади.
Аввалроқ Азарга «Реал» даъвогарлик қилаётгани ва футболчи билан шахсий шартнома борасида келишувга эришгани ҳақида хабарлар тарқалганди. «Челси» эса футболчини кўпроқ ушлаб қолиб, унинг нархини оширмоқда.
Ярим ҳимоячи ушбу мавсумда "кўклар" сафида жами 36та ўйинда майдонга тушиб, 15та гол урди ва 10та голга узатма берди.