“Лос-Анжелес Гэлакси“ ҳужумчиси Златан Ибрагимович фаолиятини якунлагандан сўнг нима билан шуғулланишини айтди.
“Актёрларнинг ҳаётига қизиқаман. Мен турган мамлакат айнан шу касб эгалари учун мос келади, демак бу вариантни ҳам ўйлаб кўрса бўлади.
Жеймс Бонд фильмида ёмон инсонни ролини ўйнашим мумкинми? Менимча, ҳа. Ёмон қаҳрамон, ижобий қаҳрамон кайси ролни бўлса ҳам ўйнашни истайман.
Мен баланд бинолардан сакрашим ва ақл бовар қилмас ишларни қилишим керак”, - дейди Ибрагимович Daily Mail нашрига берган интервьюсида.
Маълумот ўрнида, швециялик футболчи фаолияти давомида “Ювентус”, “Интер”, “Барселона”, “Милан”, ПСЖ ва “Манчестер Юнайтед” жамоалари шарафини ҳимоя қилган.
