Тошкентнинг “Локомотив” жамоаси бугун, 4 март куни ОЧЛ гуруҳ босқичи 1-тур учрашувида ўз уйида БААнинг “Ал Ваҳда” жамоасини қабул қилиб, 2:0 ҳисобида ғалаба қозонди.

Ушбу учрашувдан сўнг “Локомотив” жамоаси ҳужумчиси Темурхўжа Абдуҳолиқов Worldnews.uz ахборот агентлиги мухбирига ўз фикрларини билдириб ўтди.

“Осиё чемпионлар лигасида осон ўйиннинг ўзи бўлмайди. Ҳар бир учрашув қийин бўлиши аниқ. Биринчи бўлимда яхши ўйин кўрсатдик.

Иккинчи бўлимда бироз ҳимояга эътибор қаратдик. Иккинчи бўлимда рақиб жамоанинг ўйинига мослашиб қолдик. Шунинг учун ҳам бироз қийин ўйин ўтказдик.

Асосийси 3 очкони қўлга киритдик. Биз вазиятдан келиб чиқиб ўйин кўрсатамиз. Бизнинг тактикамиз, тўпни кўпроқ  ўзимизда ушлаб туриш ва тажовузкор ўйин кўрсатиш.

Биз ғалаба қозониш учун майдонга тушган эдик. Мухлисларимиз олдида юзимиз ёруғ бўлди”, дейди Абдуҳолиқов.

Эслатиб ўтамиз, Тимурхўжа Абдуҳолиқов Ўзбекистон терма жамоасидан янги чақирув олгани бугун маълум бўлди.