"Ливерпуль" бош мураббийи Юрген Клопп жамоа ҳужумчиси Муҳаммад Салоҳнинг голсиз серияси ҳақида фикр билдирди.
Мисрлик футболчи охирги тўрт ўйинда гол ура олмай келяпти.
"Агар сиз ҳужумчи бўлсангиз, сизда вазиятлар бўлади. Мураббийлик фаолиятимда футболчиларнинг доим ҳам гол уравермаслигига кўникканман.
Салоҳнинг статистикаси фантастика. Унинг голлари эвазига шундай даражада бўлиб турибмиз. Албатта, бунга биргина Муҳаммад сабабчи эмас.
Биз у билан голсиз серия ҳақида гаплашганимиз йўқ, бу нормал ҳолат. Ҳатто "Эвертон"га қарши қийин ўйинда ҳам 4 ёки 5 та вазиятимиз бўлди", - дейди Клопп.
