«Арсенал» устози Унаи Эмери 30-турдан ўрин олган «Манчестер Юнайтед»га қарши ўйин ҳақида фикр билдирди.

«Манчестер Юнайтед» яхши формада, мавсумни жуда яхши давом эттиряпти, аммо биз ўз ишимизни қилишимиз керак. «Манчестер Юнайтед»га қарши бир ой олдин Англия кубогида ўйнадик. Ўйшанда 1:3 ҳисобида ютқазган бўлсак-да, яхшигина вазиятлар яратгандик.

Тушуниб турибман, якшанба куни кучли жамоага қарши қийин ўйин кутяпти. Аммо биз ўз уйимизда ўйнаймиз, бизга мухлисларнинг қўллаб-қувватлаши жуда зарур. Ўйин ажойиб атмосфера остида ўтишини истайман. Бу "Арсенал"га ёрдам беради.

«Манчестер Юнайтед»га қарши айни дамда яхши ҳолатда бўлган футболчилардан танлаб оламиз. «Ренн»га қарши баҳсда жуда кўп куч йўқотдик. Аммо бу бизга халал бермаслигига ишонаман», — деди Эмери.