Мадриднинг “Реал” клуби ҳимоячилари Серхио Рамос ва Марсело жамоанинг сўнгги машғулотида тортишиб қолишган.

Marca нашрининг хабарига кўра, футболчилар шанба кунги машғулотларда икки жамоа таркибида футбол ўйнаган.

Клуб сардори Рамосга Марселонинг гол нишонлаши ёқмаган ва буни бразилиялик ҳамкасбнинг ўзига ҳам айтган. Марсело бунга жавобан доим голни шундай услубда нишонлашини айтган.

Икки футболчи ўртасидаги можаро бошқа футболчиларнинг аралашмагунига қадар бир неча дақиқа давом этган.

Айтилишича, “Реал”нинг икки ишонган футболчиси машғулот якунида ўзаро келишиб олган.