ФИФА кенгаши Майамида мажлис ўтказиб, 2022 йилда бўлиб ўтадиган Жаҳон чемпионати мусобақасини иккита давлатда ўтказиш масаласини муҳокама қилади.
Бунга ФИФАнинг мусобақа иштирокчилари сонининг 48 тага кўпайтириш истаги сабаб бўлмоқда.
ЖЧ-2022 21 ноябрдан 18 декабргача Қатарнинг 7 та шаҳри: Доха, Лусаил, Ал-Вақра, Ал-Хор, Ал-Райян, Умм-Саллал ва Аш-Шамалда ўтказилиши керак. Аввалроқ ФИФА президенти Жанни Инфантино 2022 йилги мундиал иштирокчилари сонини ошириш ва ўйинларни Қатар ҳудудидан ташқарида ҳам ўтказиш варианти борлигини маълум қилган эди.
Қатар билан ЖЧ ўтказишда шерик бўлишга асосий даъвогарлар Қувайт ва Уммон бўлиб турибди. Ушбу мамалакатлар Форс кўрфазида юзага келган сиёсий зиддиятда Қатар билан бетарафлар.
"Жаҳон чемпионатининг қўшимча мезбонлари маълум талабларга жавоб бериши, биринчи ўринда Қатар ҳукумати томонидан маъқулланиши керак", - дейилади ФИФА ҳисоботида.
Бу масала 15 март куни ташкилотнинг Майамидаги мажлисида кўриб чиқилади.
