Суперлигада миллий ва олимпия терма жамоаларимизнинг халқаро майдонлардаги иштиоҳроки боис юзага келган бўшлиқни тўлдириш учун жамоалар назорат учрашувларига эътибор қаратишмоқда.
Жумладан, Бекободнинг “Металлург” жамоаси кеча Қибрай ўқув-машғулот масканида бир йўла иккита назорат ўйинини ўтказди.
Даставвал маъданчилар Про-лига вакили “Нурафшон” жамоаси билан куч синашиб, кичик ҳисобда ғалаба қозонишди. Ўйин тақдирини Сергей Тумасян томонидан киритилган ягона гол ҳал этди. Иккинчи учрашувни эса Андрей Шипилов шогирдлари “Пахтакор” ёшларига қарши ўтказиб, 3:0 ҳисобида зафар қучишди. Мазкур ўйинда Баҳодир Пардаев, Зоҳид Абдуллаев ҳамда Худойшукур Сатторовлар ўзларини кўрсатишди. “Металлург” Суперлиганинг 2-турига қадар яна битти кўрик ўйинида майдонга тушишни режалаштирган.
