"Nike" компанияси "Барселона"нинг "Аякс" ҳимоячиси Френки де Йонгни харид қилишида муҳим рол ўйнади. Де Йлнгнинг "ПСЖ" таклифини рад этишида ҳам компаниянинг роли катта бўлди, деб ёзади "ESPN".
Америка компанияси бу борада "Барселона"га ҳомийлик қилади. "Nike" 21 ёшли футболчи учун пул сарфлашга тайёр. Тўғри, компания футболчининг трансферига пул ажратмайди, аммо де Йонгнинг маошини тўлаш учун маблағ сарфлайди. "Nike" раҳбарияти ишонмоқдаки, де Йонгнинг келажакдаги натижалари даромаднинг ошишига хизмат қилади.
"Nike" бу мақсад йўлида ҳатто Френки де Йонгдан футболкасига фамилиясини эмас, исмини ёздиришни сўради.
Маълумот учун, Америка компанияси ва «Барселона» 1998 йилда шартнома имзолашган. 2016 йилда бу шартнома 2028 йилгача узайтирилди.
