Ҳалқ орасида ўз ўрнига эга журналист Диёр Имомхўжаев ПФЛнинг кейинги режалари ҳақида ўзининг расмий телеграм саҳифасида маълум қилди.
“ПФЛ кубоги финали ўтган “Чиғатой” майдони ҳозир зўр кўринишда. ОФК ёрдамида қилинган сунъий майдоннинг бир қатор афзалликлари бор. Масалан, тўп ҳам, оёқ ҳам қорайиб кетмайди. Аввалги сунъий қопламалар каби майдон ости қора резинкадан иборат эмас. Бундан ташқари майдон қуёш нурида аввалгиларга ўхшаб кескин қизиб кетмайди.
Шу йилнинг ўзида вилоятлардаги футбол академияларидан яна 4 тасига шундай майдонлар қуриб берилади. Режага Нукус, Тошкент, Наманган ва Бухоро футбол академиялари киритилган.
Қўшимчасига, Суперлига клубларининг ПФЛ учун тўлаб бераётган бадал пуллари ҳисобидан ЎФА академияларига бошқа майдонлар қурилади. Бир мавсумнинг ўзида ўндан зиёд майдонлар қуриш режалаштирилган ва бу иш 2022 йилга қадар давом этади. 2019 йил эса мамлакат тарихида илк бор футбол академиялари ўртасида алоҳида турнир бошланади”, - деб ёзади Имомхўжаев.
