Тошкент шаҳридаги “Универсал” спорт саройида анъанавий каратэ-до бўйича мамлакат чемпионати ўтказилди.
Ўзбекистон Республикаси Жисмоний тарбия ва спорт вазирлиги ва Анъанавий каратэ-до федерацияси томонидан ташкил этилган чемпионатда болалар, ўсмирлар, ёшлар ва катталардан иборат 500 га яқин каратэчи ўзаро беллашди.
Ката машқлари бўйича Беҳруз Муродиллаев, Оллоёр Турдиалиев, Зиёдулла Сергапов, Шероз Раҳматуллоев, Азиз Абдураҳмонов, Ҳилола Неъматова, Заҳро Абдуллаева ва Эъзоза Ўсарова ўз ёш тоифаларида мамлакат чемпиони бўлди.
Кумите – яккама-якка курашда Эргаш Нўъмонжонов, Элшод Ёқубов, Зикрилло Салимов, Жавлонбек Умиджонов, Шоҳжаҳон Абдужабборов ҳамда қизлар ўртасида Муштарий Абдуқаҳҳорова, Севинч Шаробиддинова, Салсабил Эргашева ва Ойдона Мирзаҳмедова турли вазн ва ёш тоифаларида шоҳсупага кўтарилди.