“Сурхон” – “Динамо” учрашувидан сўнг мезбонлар устози Андрей Микляев қуйидагича фикр билдириб ўтди:
- Бугун принципиал аҳамиятга эга бўлган учрашувда майдонга тушдик ва шукр, якунда уни ғалаба билан якунлай олдик. Жамоамиз илк ғалабасини қўлга киритди. Умид қиламанки, бу ғалаба охиргиси бўлмайди. Тўғри, ҳали ўйинимизда ишлаш ва яхшилаш лозим бўлган жиҳатлар кўп. Лекин бу ҳақда гапириб ўтирмоқчи эмасман. Энг муҳими – биз бугун олдимизга қўйилган мақсадга ета олдик – 3 очкони қўлга киритдик, - деди мураббий.
