Суперлига 2-тури доирасидаги “Локомотив” – “Навбаҳор” учрашувидан кейинги матбуот анжуманининг иккинчи қисмида “темирйўлчилар” устози Андрей Фёдоров ва учрашувнинг энг яхши футболчиси Темурхўжа Абдухолиқов иштирок этиб, журналистларнинг саволларига жавоб беришди.

- Биз ўзимизга муносиб рақибга қарши ажойиб ўйинни ўтказдик. Натижадан хурсандман. Наманганликлар биринчи бўлимда яхши ўйин намойиш этишди. Аммо иккинчи бўлимда йигитлар яхши ҳаракат қилиб, гол уришди.

- Темурхўжа Абдухолиқов: - “Навбаҳор” жамоаси бугун ажойиб ўйин намойиш этди. Хайрият, бугун биз ғалаба қозонишга муваффақ бўлдик.

“Навбаҳор”нинг мухлислари жамоани ажойиб тарзда қўллаб-қувватлашди. Лекин биз бунга эътибор бермай, бутун эътиборимизни ўйинга қаратамиз. “Навбаҳор” легионери Александр Касьян иккинчи қаватда яхши ўйин намойиш этиб, менда яхши таассурот қолдирди.

- А.Фёдоров: - Ҳар қандай хато рақибга куч беради. Анзур Исмоилов тажрибали футболчи. Аммо унинг Ўзбекистон терма жамоасидаги ўйини билан жамоамиздаги ўйинида анча фарқ бор.
Азиз Ҳайдаров бугунги ўйинга тайёр эди. лекин у машғулотда кичик жароҳат олди. Шунинг учун бугун майдонга тушолмади.

Таркибимиздаги барча футболчилар асосий таркиб футболчилари. Шуҳрат Муҳаммадиев анча вақт давомида ўз жароҳатини даволатди. Даврон Ҳошимовни таркибда ротация қилганлигимиз учун майдонга туширмадик.