Superliga 2-turi doirasidagi “Lokomotiv” – “Navbahor” uchrashuvidan keyingi matbuot anjumanining ikkinchi qismida “temiryo‘lchilar” ustozi Andrey Fyodorov va uchrashuvning eng yaxshi futbolchisi Temurxo‘ja Abduxoliqov ishtirok etib, jurnalistlarning savollariga javob berishdi.
- Biz o‘zimizga munosib raqibga qarshi ajoyib o‘yinni o‘tkazdik. Natijadan xursandman. Namanganliklar birinchi bo‘limda yaxshi o‘yin namoyish etishdi. Ammo ikkinchi bo‘limda yigitlar yaxshi harakat qilib, gol urishdi.
- Temurxo‘ja Abduxoliqov: - “Navbahor” jamoasi bugun ajoyib o‘yin namoyish etdi. Xayriyat, bugun biz g‘alaba qozonishga muvaffaq bo‘ldik.
“Navbahor”ning muxlislari jamoani ajoyib tarzda qo‘llab-quvvatlashdi. Lekin biz bunga e’tibor bermay, butun e’tiborimizni o‘yinga qaratamiz. “Navbahor” legioneri Aleksandr Kasyan ikkinchi qavatda yaxshi o‘yin namoyish etib, menda yaxshi taassurot qoldirdi.
- A.Fyodorov: - Har qanday xato raqibga kuch beradi. Anzur Ismoilov tajribali futbolchi. Ammo uning O‘zbekiston terma jamoasidagi o‘yini bilan jamoamizdagi o‘yinida ancha farq bor.
Aziz Haydarov bugungi o‘yinga tayyor edi. lekin u mashg‘ulotda kichik jarohat oldi. Shuning uchun bugun maydonga tusholmadi.
Tarkibimizdagi barcha futbolchilar asosiy tarkib futbolchilari. Shuhrat Muhammadiyev ancha vaqt davomida o‘z jarohatini davolatdi. Davron Hoshimovni tarkibda rotasiya qilganligimiz uchun maydonga tushirmadik.
