Фарғона шаҳрида футбол бўйича 2004-2005 ва 2006-2007 йилларда туғилган ўсмирлар ўртасида “Дўстлик Кубоги” мусобақаси ўтказилди.
Унда Фарғона, Тошкент, Наманган, Андижон вилоятлари ҳамда пойтахтдан келган 26та футбол жамоалари ғолиблик учун майдонга тушдилар.
500 нафарга яқин болалар иштирок этган ушбу мусобақанинг 2004-2005 йилларда туғилган ўсмирлар ўртасидаги ўйинларида ғолибликни Марғилон шаҳрининг “Фаровон” жамоаси эгаллаган бўлса, 2006-2007 йилларда туғилган болалар ўртасидаги баҳсларда Учкўприк туманининг “Зафар” жамоаси 1-ўринни қўлга киритди. Мусобақа ғолибларига ташкилотчилар томонидан диплом ва эсдалик совғалари топширилди.
