Биласиз, 4 апрель, пайшанба кунидан эътиборан CocaColaСуперлигада 3-тур учрашувлари старт олади.
CocaCola Суперлига номи остида ўтадиган 2019 йилги мавсумидан бошлаб, ҳар бир тур учрашувларида жамоаларнинг қандай рангдаги либосда майдонга чиқишлари Профессионал футбол лигаси томонидан белгилаб берилмоқда. Бунда мезбон жамоанинг ўз майдонида мухлислари қаршисида тўп суриши инобатга олиниб, биринчи галда мезбон клубнинг асосий рангидаги либосда ҳаракат қилиши аҳамият касб этади.Шу боисдан ҳар бир клуб янги мавсум учун уй ва сафар либосларини бир-биридан кескин фарқ қиладиган тарзда танлашларига урғу берилди.
4 апрель куни 3-турнинг илк қарама-қаршилиги кузатилади. Унда “Локомотив” “Андижон”га қарши баҳс олиб боради. Мазкур учрашувни “Локо” футболчилари тўлиқ қизил рангдаги формада ўтказишади. “Бургутлар” жамоаси эса оқ-оқ-оқ рангли спорт либосларида майдонда ҳаракат қилишади.
Таъкидлаб ўтамиз, мазкур ўйин соат 18:00да “Локомотив” стадионида ўтказилади.