Ушбу ҳафтада Coca  Cola Суперлигада 3-тур учрашувлари бўлиб ўтади.

Биласиз, Coca  Cola  Суперлига номи остида ўтадиган 2019 йилги мавсумидан бошлаб, ҳар бир тур учрашувларида жамоаларнинг қандай рангдаги либосда майдонга чиқишлари Профессионал футбол лигаси томонидан белгилаб берилмоқда. Бунда мезбон жамоанинг ўз майдонида мухлислари қаршисида тўп суриши инобатга олиниб, биринчи галда мезбон клубнинг асосий рангидаги либосда ҳаракат қилиши аҳамият касб этади. Шу боисдан ҳар бир клуб янги мавсум учун уй ва сафар либосларини бир-биридан кескин фарқ қиладиган тарзда танлашларига урғу берилди.

Яқинлашиб келаётган 3-турнинг қизиқарли ўтиши кутилаётган қарама-қаршиликларидан бирида “Пахтакор” “Насаф”ни қабул қилади. Мазкур баҳсда “шерлар” кўк-сариқ футболка, кўк шорти ҳамда кўк гетриларда майдонга чиқишади. “Аждарлар” эса оқ футболка, қизил шорти ва оқ гетриларда ҳаракат қилишади. 

Таъкидлаш жоиз, ушбу учрашув 5 апрель, жума куни соат 18:00да “Пахтакор” стадионида бўлиб ўтади.