Ушбу ҳафтада Суперлигада 3-тур учрашувлари бўлиб ўтади.
Биласиз, Суперлига номи остида ўтадиган 2019 йилги мавсумидан бошлаб, ҳар бир тур учрашувларида жамоаларнинг қандай рангдаги либосда майдонга чиқишлари Профессионал футбол лигаси томонидан белгилаб берилмоқда. Бунда мезбон жамоанинг ўз майдонида мухлислари қаршисида тўп суриши инобатга олиниб, биринчи галда мезбон клубнинг асосий рангидаги либосда ҳаракат қилиши аҳамият касб этади. Шу боисдан ҳар бир клуб янги мавсум учун уй ва сафар либосларини бир-биридан кескин фарқ қиладиган тарзда танлашларига урғу берилди.
Тур доирасида “Навбаҳор” “Бунёдкор”га қарши баҳс юритади. Мазкур учрашувда наманганликлар тўлиқ қизил рангдаги спорт либосларида майдонга тушишади. “Қалдирғочлар” эса оқ-оқ-оқ рангдаги формада ҳаракат қилишади.
Таъкидлаб ўтамиз, “Навбаҳор” — “Бунёдкор” учрашуви Фарғонадаги “Истиқлол” стадионида 6 апрель, шанба куни соат 17:00да бўлиб ўтади.
