Ушбу ҳафтада Суперлигада 3-тур учрашувлари бўлиб ўтади.
Биласиз, Суперлига номи остида ўтадиган 2019 йилги мавсумидан бошлаб, ҳар бир тур учрашувларида жамоаларнинг қандай рангдаги либосда майдонга чиқишлари Профессионал футбол лигаси томонидан белгилаб берилмоқда. Бунда мезбон жамоанинг ўз майдонида мухлислари қаршисида тўп суриши инобатга олиниб, биринчи галда мезбон клубнинг асосий рангидаги либосда ҳаракат қилиши аҳамият касб этади. Шу боисдан ҳар бир клуб янги мавсум учун уй ва сафар либосларини бир-биридан кескин фарқ қиладиган тарзда танлашларига урғу берилди.
3-тур доирасида АГМК ўз майдонида “Қўқон-1912”га қарши баҳс олиб боради. Ўйинда олмалиқликлар оқ-оқ-оқ рангли либосларда ҳаракат қилишади. Қўқонликлар эса тўлиқ кўк рангдаги спорт формаларида майдонга тушишади.
Таъкидлаш жоиз, АГМК — “Қўқон-1912” учрашуви 7 апрель, якшанба куни соат 17:15да Олмалиқда бўлиб ўтади.
