6 апрель куни Фарғонадаги «Истиқлол» стадионида Суперлиганинг 3-тури доирасида «Бунёдкор» сафарда «Навбаҳор» меҳмони бўлади.
Ўзбекистон чемпионати доирасида бу икки жамоа ўзаро 26 бор тўқнаш келишган. Шундан 17 ўйинда «қалдирғочлар» ғалаба қозонган бўлса, 4 ўйинда «лочинлар»нинг қўли баланд келган. 5 ўинда томонлар муроса йўлини танлашган. Тўплар нисбати: 51:17 «Бунёдкор» фойдасига.
«Бунёдкор» ва «Навбаҳор» ўртасидаги ўйинлардаги энг йирик ҳисоб 2009 йилда қайд этилган: 6:0 «қалдирғочлар» ғалабаси.
«Бунёдкор» «лочинлар»га қарши меҳмонда ўтказилган 13 ўйиннинг 5 тасида ғалаба қозонган, 4 тасида мағлуб бўлган.
Ўтган мавсумда Наманганда ўтказилган икки ўйинда ҳам наманганликлар ғалаба қозонишган.
Эслатиб ўтамиз, ўйин 6 апрель куни соат 17:00 да Фарғонадаги «Истиқлол» стадионида бошланади.
