Хабиб Нурмагомедовнинг менежери Али Абдулазиз Конор Макгрегор томонидан Хабибнинг рафиқасига нисбатан ишлатилган ҳақоратли сўзларга спортчининг қандай жавоб қилгани ҳақида айтди.

"Хабиб жилмайди. Агар у жилмаядиган бўлса, бу бирор хавф бошланишидан дарак беради. Жуда ҳавотирда эдим, барча ҳавотирга тушиб қолди, у эса кулди. У шундай инсон: "Хаммаси яхши, адолат қарор топади, у керагини олади" деди. Мен Хабибни золим одам деб ўйламайман. У бошқаларга азоб беришни истамайди. У аслида кўрингани каби эмас. Хабиб – эътиқод одами, менга ишонинг!""Биз зўравонликни эмас, тинчликни тарғиб қиламиз. Нафрат етарли бўлди. Хабиб ҳақида гапиришни истасанг, у ҳақида истаган нарсангни айт – бу сенинг шахсий фикринг. Аммо унинг рафиқаси, миллати ва динига тил теккизма. Шуниси аниқки, агар Конор ва Хабиб кўчада охирига қадар урушадиган бўлса, Конор йўқ бўлади. Йўқ бўлиб кетади", - дейди Хабиб Нурмагомедовнинг менежери Али Абдулазиз.