"ПСЖ" клуби Франция чемпионати тугашига 7та тур қолганида чемпионликни қўлга киритиши мумкин эди. Аммо парижликлар ўз уйларида "Страсбур"ни мағлуб эта олишмади.
 
Меҳмонлар номдор рақибга жиддий қаршилик кўрсатишди. Ўйиннинг 13-дақиқасида майдон эгалари Шупо-Мотингнинг голи эвазига ҳисобни очишган бўлса, танаффусга қадар "Страсбур" футболчилари иккита гол уришга муваффақ бўлишди. Фақатгина ўйин тугашига 8 дақиқа қолганида "ПСЖ" ҳисобни тенглаштирди.

"ПСЖ" мазкур ўйинда ғалаба қозонса, чемпионликни муддатидан аввал расмийлаштирган бўлар эди. Улар бу ишни кейинги турга қолдиришди.

Франция чемпионати, 7-тур
ПСЖ – Страсбур 2:2 (1:2, 1:0)
Голлар: 1:0 – 13 Шупо-Мотинг, 1:1 – 26 Да Кошта, 1:2 – 38 Гонсалвес, 2:2 – 82 Керер.
ПСЖ – Буффон, Дагба, Тиаго Силва, Кимпембе, Курзава (Дракслер, 60), Дани Алвес, Паредес, Верратти, Бернат, Нкунку (Керер, 76), Шупо-Мотинг (Мбаппе, 60).
Страсбур – Зельс, Лала, Каси, Митрович, Мартинес, Кароль, Гонсалвес (Лиэнар, 65), Прцич, Сиссоко, Да Кошта (Грансир, 73), Ажорк (Мотиба, 86).
Огоҳлантириш: Лала (57), Зельс (88).