Европа чемпионлар лигасининг чорак финал босқичи доирасида дастлабки ўйинлар бўлиб ўтди. Кўпчилик учун кутилмаганда «Тоттенхэм» ўз уйида «Манчестер Сити»ни мағлуб этди.

Гвардиола мазкур ўйин учун прагматик ўйин услубини танлади. Жамоа аввало ўз дарвозасидан тўп ўтказиб юбормасликни ўйлади. Улар бу оқшом ғалаба қозонишлари мумкин эди. Аммо баҳснинг 13-дақиқасида VAR ёрдамида белгиланган пенальтини Серхио Агуэро голга айлантира олмади. Унинг зарбасини Уго Льорис қайтаришга муваффақ бўлди.

Танаффусга қадар мухлислар бошқа хавфли вазиятларга гувоҳ бўлишмади. Иккинчи бўлимда эса "шпорлар" таваккал қилиб олдинга ташланишди ва бунинг учун мукофотланишди. Учрашувнинг 78-дақиқасида Сон Хёнг Мин "шаҳарликлар" дарвозасини ишғол қилишга муваффақ бўлди.

Шу тариқа, Почеттино шогирдлари жавоб ўйини олдидан ажойиб имкониятга эга бўлишди. Жавоб баҳси 17 апрель куни Манчестер шаҳрида бўлиб ўтади.

Европа чемпионлар лигаси, чорак финал, дастлабки ўйин
Тоттенхэм Англия – Манчестер Сити Англия 1:0 (0:0, 1:0)
Гол: 1:0 – 78 Сон Хёнг Мин.
Тоттенхэм – Льорис, Триппьер, Алдервейрелд, Вертонген, Роуз, Сиссоко, Уинкс (Ваньяма, 81), Эриксен, Алли (Льоренте, 87), Сон Хёнг Мин, Кейн (Лукас Моура, 58).
Манчестер Сити – Эдерсон, Уокер, Отаменди, Лапорт, Делф, Фернандиньо, Гюндоган, Марез (Сане, 89), Сильва (де Брюйне, 89), Стерлинг, Агуэро (Габриэл Жезус, 71).
Огоҳлантиришлар: Роуз (12), Лапорт (28), Марез (59).
Амалга оширилмаган пенальти: Серхио Агуэро (13, даврозабон)