"Ливерпуль" бош мураббийи Юрген Клопп ЕЧЛ 1/4 финалининг биринчи ўйинида "Порту" устидан қозонилган ғалабадан сўнг (2:0) фикрларини билдирди.

"Бахтиёрмиз, аммо бу биринчи ўйин холос, иккинчиси оғир бўлади. Иккита гол урдик, ўйинни катта қисмини назорат қилдик.

Рақибга кўр стандартлар совға қилдик. "Порту" 40 фоиз стандартларини голга айлантира олади, деб ўйлайман. Улар бир-икки қарши ҳужум қилишди, қолган вақт ўйин бизнинг назоратимизда бўлди.

Иккинчи бўлимда дарвозани мўлалламай қўйдик, аммо 2:0дан сўнг ўйинчиларни танқид қилиб бўлмайди.

Олдинда жавоб ўйини борлигини биламиз ва ғолиб бугун аниқланмаслигини тушунамиз. Энди сафарда ҳам жанг қилишимиз керак", - дейди Клопп.