Халқаро оғир атлетика федерацияси ўзбекистонлик оғир атлетикачи, Рустам Жангабаевнинг қонидан олинган допинг таҳлили ижобий натижа берди деб хабар бермоқда Worldnews.uz ахборот агентлиги.
Қайд этилишича, у антидопинг қоидаларини бузганлиги учун спортдан вақтинча четлатилди.
26 ёшли Рустам Жангабаев мусобақаларда 105 килограммдан юқори вазн тоифасида иштирок этади. У 2018 йилги жаҳон чемпионати совриндори, 2017 йил Ашхабодда ўтказилган ёпиқ иншоотлардаги Осиё ўйинлари ғолиби, Рио-де-Жанейродаги ёзги Олимпия ўйинларининг иштирокчиси ҳисобланади.
Эслатиб ўтамиз, аввалроқ оғир атлетикачимиз Руслан Нуриддинов допинг сабаб мусобақалардан четлатилганди.
