Xalqaro og‘ir atletika federasiyasi o‘zbekistonlik og‘ir atletikachi, Rustam Jangabayevning qonidan olingan doping tahlili ijobiy natija berdi deb xabar bermoqda Worldnews.uz axborot agentligi.
Qayd etilishicha, u antidoping qoidalarini buzganligi uchun sportdan vaqtincha chetlatildi.
26 yoshli Rustam Jangabayev musobaqalarda 105 kilogrammdan yuqori vazn toifasida ishtirok etadi. U 2018 yilgi jahon chempionati sovrindori, 2017 yil Ashxabodda o‘tkazilgan yopiq inshootlardagi Osiyo o‘yinlari g‘olibi, Rio-de-Janeyrodagi yozgi Olimpiya o‘yinlarining ishtirokchisi hisoblanadi.
Eslatib o‘tamiz, avvalroq og‘ir atletikachimiz Ruslan Nuriddinov doping sabab musobaqalardan chetlatilgandi.
