«Манчестер Юнайтед» Англия чемпионатининг 34-тури доирасида «Вест Хэм»ни мағлуб этди (2:1). Манкунианликларнинг ҳар иккала голини Поль Погба пенальти орқали киритди.
«Манчестер Юнайтед» ушбу мавсумда АПЛ доирасида 12та рақиблар дарвозаси томон 12 марта пенальти тепди. Бу эса бир мавсумда пенальти тепиш борасида клуб тарихидаги рекорд ҳисобланади. Шунингдек, бу кўрсаткич АПЛнинг бошқа клублари натижасидан ҳам яхшироқдир («Кристал Пэлас» бир мавсумда 11та пенальтини амалга оширган).
Ушбу мавсумда манкунианликлар таркибида Погба 7 марта 11 метрли жарима зарбасини самарали амалга оширди. Фақат Руд ван Нистелрой «МЮ» сафида бир мавсумда франциялик футболчига нисбатан кўпроқ пенальти тепган (8та, 2002/03 мавсумда).













