Суперлиганинг 4-турининг энг яхши футболчиси деб "Бунёдкор" ярим ҳимоячиси Жасур Жалолидинов топилди.
"Қалдирғочлар" ярим ҳимоячиси Жасур Жалолиддинов "Андижон"га қарши кечган баҳсда жамоасининг жонига оро кирди. Жалолиддинов нафақат жамоаснинг ҳужумларини бошлаб берди, балки “Бунёдкор”нинг учрашувдаги ягона голига ҳам муаллифлик қилди. У узоқ масофадан Виталий Мирний қўриқлаётган дарвозага тўпни жойлаб қўйди. Жасур 4-турга келиб, Суперлигадаги голлари сонини 2тага етказиб олди.
Айнан 16 ёшли Жасур Жалолиддиновнинг ёрқин ва фаол ўйинлари орқали “Бунёдкор” жамоаси ҳам ишончли ўйнамоқда.
Шу тариқа Жасур Жалолиддинов Суперлиганинг 4-тур футболчиси номига лойиқ кўрилди.
