Хабарингиз бор, ушбу мавсумдан бошлаб «Бунёдкор» бир қатор ташкилотлар ҳамда турли савдо белгилари билан ҳамкорликни йўлга қўйди.
Мазкур ҳамкорлик асосида кўплаб ишларни амалга оширмоқда. Жумладан, Суперлиганинг уч туридан буён Les Ailes савдо белгиси билан ҳамкорликда стадионга ташриф буюрган омадли мухлисларга турли суммалардаги ваучерлар тақдим этилмоқда.
Coca Cola Суперлиганинг 4-туридан ўрин олган «Бунёдкор» - «Андижон» ўйинида ҳам ана шундай 6 нафар омадли мухлисларга ҳамкорларимиздан бири ҳисобланган "LES AILES" савдо белгиси томонидан 2 та 100 000 сўмлик, 2 та 150 000 сўмлик ва 2 та 200 000 сўмлик ваучерлар тақдим этилди. Сиз ҳам ушбу ваучерлардан бирини қўлга киритишингиз мумкин. Бунинг учун «қалдирғочлар»нинг ўйинини томоша қилиш учун стадионга тушсангиз кифоя.
Биз ҳам чиройли ўйинимиз билан, ҳам ана шундай совғаларимиз билан мухлисларни хурсанд этишда давом этамиз.
Унутманг, «Бунёдкор» мухлислар учун ўйнайди!