Xabaringiz bor, ushbu mavsumdan boshlab «Bunyodkor» bir qator tashkilotlar hamda turli savdo belgilari bilan hamkorlikni yo‘lga qo‘ydi.

Mazkur hamkorlik asosida ko‘plab ishlarni amalga oshirmoqda. Jumladan, Superliganing uch turidan buyon Les Ailes savdo belgisi bilan hamkorlikda stadionga tashrif buyurgan omadli muxlislarga turli summalardagi vaucherlar taqdim etilmoqda.

Coca Cola Superliganing 4-turidan o‘rin olgan «Bunyodkor» - «Andijon» o‘yinida ham ana shunday 6 nafar omadli muxlislarga hamkorlarimizdan biri hisoblangan "LES AILES" savdo belgisi tomonidan 2 ta 100 000 so‘mlik, 2 ta 150 000 so‘mlik va 2 ta 200 000 so‘mlik vaucherlar taqdim etildi. Siz ham ushbu vaucherlardan birini qo‘lga kiritishingiz mumkin. Buning uchun «qaldirg‘ochlar»ning o‘yinini tomosha qilish uchun stadionga tushsangiz kifoya.

Biz ham chiroyli o‘yinimiz bilan, ham ana shunday sovg‘alarimiz bilan muxlislarni xursand etishda davom etamiz.

Unutmang, «Bunyodkor» muxlislar uchun o‘ynaydi!