Кеча 15 апрель куни Осиё футбол конфедерацияси штаб-квартираси жойлашган Малайзиянинг Куала-Лумпур шаҳрида мураббийлик таълими бўйича мутахасисслар гуруҳи йиғилиши бошлангани ҳақида хабар бериб ўтгандик. Йиғилишни ОФК Техник директори Энди Роксбург олиб борди.
Мазкур йиғилишда қатнашган Осиёнинг 15та мамлакатидан ташриф буюрган мураббийлик таълими бўйича мутахассислар ОФКнинг 3-конференцияси олдидан муҳим масалалар юзасидан ўзаро фикр алмашишди. Улар қаторида ЎФА Мураббийлик таълими департаменти директори Шавкат Имамов ҳам йиғилишда иштирок этди.
Йиғилиш давомида ОФКга аъзо яна 6та мамлакатни, шу жумладан, Япония (Pro дипломи бўйича) ва Филиппинни ("А" лицензияси бўйича) Мураббийлик таълими бўйича Конвенцияга қўшиш маъқулланди. Шунингдек, яна 25та мамлакатдан Конвенцияга қўшилиш бўйича топширилган аризалар мутахассислар томонидан кўриб чиқилди. Шу билан ОФКнинг мураббийлик таълимини ривожлантириш бўйича 8-йиғилиши ниҳоясига етди.
Бугун 16 апрель куни ОФКнинг мураббийлик таълими бўйича конференцияси иш бошлайди. Мазкур конференцияда Ўзбекистондан Шавкат Имамов билан биргаликда ФИФА ва ОФК инструктори Ислом Аҳмедов ҳам қатнашади. Конференция давомида Осиёда мураббийлик таълимини ривожлантириш масалалари муҳокама қилинади. Шунингдек, Мураббийлик таълими бўйича ОФК Конвенциясига қўшимча ва ўзгартиришлар киритиш масаласи ҳам кўриб чиқилади.
ОФК конференцияси 18 апрель кунига қадар давом этади.
«Реал» ва «Ливерпуль» ўртасида юлдузли алмашув бўлиши мумкин [3726]
Криштиану Роналду Европа клубига ўтиши мумкин [2597]
Sport ва Futbol TV ЕЧЛни трансляция қилади! [2597]
Дэвид Бекхэм шахсан ўзи Роналду трансфери устида ишламоқда [2335]
Анчелотти Бразилия терма жамоасининг ЖЧ-2026га бориши аниқ бўлган 11 нафар футболчисини айтди [2001]
Файзуллаев навбатдаги ассистини берди (Видео) [1813]
Келаси мавсумда "Реал"га қайтиши аниқ бўлган икки футболчи номи аниқ бўлди [1700]
Бразилияда порлаётган Витор Роке Лондонга кўчиб ўтиши мумкин [1610]
Sport ва Futbol телеканалларида 8-февраль куни А серия ва Ла лига ўйинлари эфирга узатилади [1573]
Палмердан тарихий рекорд: "Челси" юлдузи АПЛда аввал ҳеч ким қилмаган ишни уддалади [1502]
