учли бешлик доирасидаги ички чемпионатларда энг кўп чемпионликни қайси клублар расмийлаштирган? Айнан шу саволга бугун жавоб излаб кўрамиз.

Франция

«Лига 1» доирасида энг кўп чемпионликни нишонлаган жамоа «Сент-Этиен» эканлиги кўпчилк учун янгилик бўлса, ажаб эмас. Улар 10 бор ички чемпионатда ғолиб бўлишнинг уддасидан чиқишган. «Марселл» жамоаси 9 та чемпионлик билам иккинчи поғонани эгаллаган. 3-ўринни бир йўла икки клуб бўлишиб турибди. Ҳозирда анчагина камтарин клубга айланган «Нант» ва «Монако» 8 бор финишга биринчи бўлиб етиб келишган экан.

Германия

«Бундеслига»да «Бавария» яққол фоворит. Улар нақд 27 бор Германияда тенгсиз деб топилган бўлса, иккинчо поғонани забт этган «Боруссия Дортмунд» ҳисобида атиги 5 та чемпионлик мавжуд. Бременнинг «Вердер» клуби 4 та чемпионлик билан 3-поғонани забт этиб турибди.

Италия

«А серия»да «Ювентус» қолганлардан анча илгарилаб кетди. Италиядаги клублар ҳали бери «Юве»дан бу кўрсатгич борасида ўтиб кета олмаслиги аниқ. Жамоа ҳисобида 34 та скудетто мавжуд. 2-ўринни Милан шаҳрининг икки клуби 18 та чемпионлик билан эгаллаб турибди. Кучли учликни «Дженоа» 9 та чемпионлик билан якунлаб беради.

Испания

«Эл-Классико» сабабли,бутун дунёнинг нигоҳида турувчи чемпионат ҳисобланади. Тарихида энг кўп чемпионлик «Реал Мадрид» томонидан қайд этилган. Улар 33 бор «Ла Лига»да тенгсиз топилган бўлса, азалий рақиблари «Барселона» ҳисобида 25 та чемпионлик мавжуд. Бу икки

клубга сўнгги йилларда ажойиб қаршилик кўрсатаётган «Атлетико Мадрид» ҳисобида 10 чемпионлик мавжуд.

Англия

Дунёнинг биринчи рақамли чемпионати ҳисобланадиган турнир тарихида ҳозирча «Манчестер Юнайтед»га тенг келадиган топилмаяпти. Ферги бобонинг шарофати билан қўлга киритилган бир неча АПЛнинг бош совринлари клубни ҳозирги кунимизга қадар 1-поғонада боришини таъминламоқда. Улар ҳисобида 20 та чемпионлик мавжуд. Иккинчи поғонада «Ливерпул» 18 та чемпионлик билан «Манчестер Юнайтед»ни таъқиб қилиб келмоқда. Бу мавсумда чемпионлик учун жиддий кураш олиб бораётган «Ливерпул» 19-чемпионлигини қўлга киритса, азалий рақибларига анча яқинлашиб олади. 3-поғонадаги камтарин «Арсенал» ҳисобида 13 та чемпионлик мавжуд.