Учрашувдан сўнг жамоамиз мураббийи ўз фикрларини билдириб ўтди:
"Қўқон" жамоаси билан бўлиб ўтган ўйиндан сўнг, йигитларимизнинг кайфияти аъло эди. "Локомотив" билан бўладиган ўйинга яхши тайёргарлик кўриб майдонга тушган эдик, ўйинни ёмон бошламагандик, лекин афсуски ҳимоядаги оддий хато билан гол кўйиб юбориб йигитларимизнинг шашти синиб қолди.
"Локомотив" кучли шаклланган жамоа, уларнинг ҳимоячилари кучли ишончли ўйин кўрсатишди, шу сабабли вазиятлар яратишда оқсаб қолдик.
Бир ўйинда чиройли ўйнаб ғалаба қозониб, иккинчи ўйинда мағлубиятга учрайверсак, бунақада майдонга келадиган мухлисларимиз ташрифи камайиб боради.
Биз мухлисларимиз учун чиройли, мазмунли ва сифатли ўйин кўрсатишимиз шарт.
Тўғри, бугунги ўйин бошида 2-3 бор яхши вазиятлар яратдик, лекин омад биздан юз ўгирди.
Рақиб эса ўзи яратган вазиятларини ижобий якунлади.
"Локомотив" жамоасини хақли ғалаба билан табриклайман.
