Uchrashuvdan so‘ng jamoamiz murabbiyi o‘z fikrlarini bildirib o‘tdi:

"Qo‘qon" jamoasi bilan bo‘lib o‘tgan o‘yindan so‘ng, yigitlarimizning kayfiyati a’lo edi. "Lokomotiv" bilan bo‘ladigan o‘yinga yaxshi tayyorgarlik ko‘rib maydonga tushgan edik, o‘yinni yomon boshlamagandik, lekin afsuski himoyadagi oddiy xato bilan gol ko‘yib yuborib yigitlarimizning shashti sinib qoldi.

"Lokomotiv" kuchli shakllangan jamoa, ularning himoyachilari kuchli ishonchli o‘yin ko‘rsatishdi, shu sababli vaziyatlar yaratishda oqsab qoldik.

Bir o‘yinda chiroyli o‘ynab g‘alaba qozonib, ikkinchi o‘yinda mag‘lubiyatga uchrayversak, bunaqada maydonga keladigan muxlislarimiz tashrifi kamayib boradi.

Biz muxlislarimiz uchun chiroyli, mazmunli va sifatli o‘yin ko‘rsatishimiz shart.
To‘g‘ri, bugungi o‘yin boshida 2-3 bor yaxshi vaziyatlar yaratdik, lekin omad bizdan yuz o‘girdi.
Raqib esa o‘zi yaratgan vaziyatlarini ijobiy yakunladi.
"Lokomotiv" jamoasini xaqli g‘alaba bilan tabriklayman.