Мадриднинг "Атлетико" клуби "Реал" яримҳимоячиси Матео Ковачични харид қилиш таклифи билан чиқди, аммо рад жавобини олди. Бу ҳақда AS нашри хабар тарқатди.
Манбага кўра, "қироллик клуби" Испаниядаги энг асосий рақибларидан бирининг таркибини ўз футболчиси билан кучайтиришни истамаган.
Маълумот учун, ҳозир ижара асосида "Челси"да ўйнаётган хорватиялик хавбекнинг кейинги мавсумни қаерда ўтказиши масаласи очиқ турибди. "Челси" ФИФА томонидан қўйилган тақиқ туфайли ижара муддати якунида, яъни шу ёзда унинг тўла трансфер ҳуқуқини сотиб ола олмайди. Ўз навбатида, Матео "Реал"нинг ҳам келгуси режаларидан ўрин олмаган.
Эслатиб ўтамиз, Ковачичга «Интер», «Рома» ва «Зенит» клублари қизиқаётгани ҳақида хабар берилганди.
