Ўзбекистон Суперлигасининг 5-тури ўз якунига етди. Мазкур турда мухлислар бир-биридан чиройли голлар гувоҳига айланишди.
Stadion.uz талқинига кўра, 5-турининг энг чиройли голи деб “Бунёдкор” футболчиси Лутфулло Тўраевнинг АГМК дарвозасига киритган голи топилди.
Лутфулло Тўраев жарима зарбасидан ажойиб гол уриб, жамоаснинг муҳим ғалабасига ўз ҳиссасини қўшди. Шунингдек, футболчи ўзининг собиқ жамоасига ҳурмат сақлаган ҳолда ажойиб голини нишонламади.
Шу тариқа, “Бунёдкор” сафарда АГМКни 1:0 ҳисобида таслим этди. “Бунёдкор” 5-турга келиб, 9 очко билан турнир жадвалида 3-ўринда бораётган бўлса, АГМК 4 очко билан 11-поғонада жойлашган.
