«Реал» бош мураббийи Зайниддин Зидан Ла лиганинг 34-тури доирасида бўлиб ўтган «Хетафе»га қарши ўйин (0:0) борасида ўз фикрларини билдириб ўтди.

«Иско? Жамоанинг бошқа футболчилари каби у муҳим ўйинчимиз ҳисобланади. Барчага ўйнаш имконияти берилади — бу менинг қарорим. Унинг бугунги ўйинидан қониқиш ҳосил қилдим.

Бугун кўпроқ натижага муносиб эдик. Натижадан қониқмадим. Лекин, ўйлашимча, жамоанинг ўйини, концентрацияси ва иштиёқи юқори савияда бўлди. Бундан хурсандман.

Браим Диас ҳақида тўхталадиган бўлсам, у ажойиб ўйинни ўтказди. Унинг учун хурсандман. У қўрқмади, ҳар иккала оёғида яхши зарба беради ва юқори тезликка эга.

Мураббий сифатида Кейлор Навасни дарвозага қўйишни истадим. Кўрамиз, якшанба куни кимни майдонга тушираман.

«Хетафе» Европа чемпионлар лигаси йўлланмасини қўлга киритади? Ҳозирда улар бу ўринни эгаллаб турган экан — бу катта натижа. Улар яхши ўйин кўрсатишмоқда ва биз уларни мазкур натижа билан табриклашимиз лозим», – деди Зидан.