АГМК – “Сурхон” учрашувидан сўнг меҳмонлар устози Андрей Микляев қуйидагича фикр билдирди.
“Қайд этилган натижадан кўнглим тўлмади. Иккита икки хил таймлар ўтказдик. Олмалиқ жамоасига бугун ғалаба жуда зарур эканини билар эдик. Улар анчадан бери ғалаба қозонишмаган эди.
Биз биринчи бўлимни анча суст ўтказдик. Олдинги чизиқда ишларимиз унча юришмаяпти. Натижада мана 3 та ўйиндирки, рақиб дарвозасига гол кирита олмаяпмиз.
Бугун иккинчи бўлимни яхши ўтказган бўлсак-да, тайм сўнггида яна гол ўтказиб юбордик ва якунда имкониятни бой бердик”, - деди мутахассис.
