Хабарингиз бор, Ўзбекистон Профессионал футбол лигаси 2018 йилги мавсумнинг ҳар ойидан кейин тўрт йўналиш бўйича энг яхшиларни аниқлаб келди: энг яхши мураббий, энг яхши футболчи, энг яхши дарвозабон ва энг чиройли гол. Ташкил этилган сўровнома якунларига кўра энг кўп овоз тўплай олган номзодлар ташкилотнинг энг яхшилар учун аталган статуэткаларини қабул қилиб олишди.
2019 йилги мавсумда ҳам мазкур анъанани давом эттирамиз. Жорий йилдан эътиборан Tribuna.uz нашри ой лауреатларини аниқлашда ахборот ҳамкори сифатида иштирок этади. Artel савдо белгиси эса ойнинг энг яхшиларига ўз смартфонларини тақдим этади.
Энг яхшиларни аниқлаш шартлари ўзгармайди. Coca Cola Суперлиганинг 14 клуби бош мураббийлари ҳамда сардорлари кўрсатилган номзодларни учталикка жойлаштириб чиқади. Дастлабки ўринда кўрсатилган номзод 3, мос равишда кейинги икки ўриндагилар 2 ва 1 очколик бўлади. Шунингдек, Tribuna.uz нашри футбол мухлислари ўртасида сўровнома ўтказади. Бунда мухлислар овози катта аҳамиятга эга бўлиб, биринчи ўринни эгаллаган номзод 6, мос равишда кейингилар 4 ва 2 очкодан қўлга киритади. Якунда энг кўп балл тўплаганлар ойнинг энг яхшилари сифатида эътироф этилади.
Ортда қолган апрель ойида Суперлигада 4 та тур учрашувлари ўтказилди.
Мазкур ўйинларда бир қатор дарвозабонлар ишончли ўйин намойиш этиб, мухлис-у мутахассислар олқишига сазовор бўлишди. Қуйида апрель ойи якунларига кўра, энг яхши бўлиш учун даъвогарлар рўйхатини тақдим этамиз. Сиз ўз номзодингизга Tribuna.uz сайтида овоз бериш имкониятига эга бўласиз.
Апрель ойининг энг яхши дарвозабони бўлиш учун номзодлар:
|
Номзод |
Клуб |
Эришди |
|
Ўткир Юсупов |
Навбаҳор |
3 ўйин – 2 қуруқ ўйин – 6 сейв |
|
Асилбек Омонов |
Сурхон |
4 ўйин – 3 қуруқ ўйин – 6 сейв |
|
Мурод Зухуров |
Бунёдкор |
4 ўйин – 2 қуруқ ўйин – 8 сейв |
|
Жавоҳир Илёсов |
Локомотив |
4 ўйин – 2 қуруқ ўйин – 4 сейв |
|
Санжар Қувватов |
Пахтакор |
4 ўйин – 2 қуруқ ўйин – 3 сейв
|
