Мана, бир неча кундан бери кўплаб мутахассислар Мессининг кетиши ёки қолишини мухокама қилишдан эринмаяптилар. Айнан шу мавзуни тўлиқ ёритиш мақсадида «Марcа» нашри футболчи билан боғланиб, ундан изоҳ олишга муваффақ бўлди.

Бу мағлубият нафақат, «Барселона» учун балки, мен учун ҳам кучли зарба бўлди. Сабаби, мен мавусм бошида мухлисларимизга ЕЧЛ ғолиблигини ваъда қилган  ва шу мақсад йўлида бор кучимни сарфлаган эдим. Биринчи учрашувда ғалаба қозондик, иккинчи учрашувда эса, омад бизни тарк этди. Бошқачасига бу холатни изоҳлашни хоҳламайман.

Клубдан кетишим ҳақида кўп ўйладим. Айниқса, мағлубиятдан сўнг ҳиссиётларга берилиб «Барселона»дан кетиш ҳақида тинмай ўйладим. Кариерам давомида ҳеч қачон «Ливерпуль»дан қабул қилиб олинган мағлубиятчалик аламлиси бўлмаган эди…

Мен кетишни бироз ортга сурмоқчиман. Сабаби, клуб ёзда бир нечта янги футболчиларни жамоага олиб келишга ваъда берди ва биз янги мавсумда, албатта, бунданда кучлироқ бўлиб ЕЧЛ ғолиблиги учун курашамиз.

Мен «Барса»да охиригача қолмасам керак. Нега дейсизми? Гап шундаки,  шароит ва муҳитни ўзгартириб кўрмоқчиман. Бу клубдан кетаман деганим эмас. Тўғриси, жуда иккиланяпман. Ҳозир оила аъзоларимиз ва агентим билан биргаликда шу мавзу устида бош қотиряпмиз…