Испания чемпионатининг 32-турида «Леганес» билан бўлган учрашувдан сўнг «Қаймоқранглилар» устозига ОАВ томонидан «Роналдуни ортга қайтишини истайсизми?» дея савол берилади. Зидандан ташқари бу савол «Реал Мадрид»нинг бир нечта футболчиларига берилади ва уларнинг Роналдунинг ортга қайтишига қандай фикр билдиришлари билан қизиқишади. Ишончли манбааларга суянган ҳолда биз бу интервьюларни сиз азизлар учун таржима қилдик.

Зайниддин Зидан

Нима ҳам дея оламан? Биз кимни ҳарид қилишимиздан қатъий назар  Роналдунинг ўрнини тўлдира олмаслигимиз кундек равшан. У бизни ва мухлисларни ҳайратда қолдирадиган даражада фантастик мавсумларни ўтказди ва клуб эмблемасини жон жахди билан ҳимоя қилди. Биз ва «Реал Мадрид» Роналдунинг олдида ўзимизни  қарздормиз деб ҳисоблаймиз. Унинг шарофати билан биз дунёда тенгсиз клубга айландик. Мен унинг ёшида бўлган чоғимда бутсаларимни михга илган эдим. Менинг жисмоний ҳолатим футбол ўйнашга қаршилик қилар, ўзим ҳам футболдан чарчаган эдим.
Роналду эса, 34 ёшида кучли чемпионатда ўзини кўрсатишдан чарчамаяпти. Унинг танаси ҳам, руҳи ҳам қаримайдиганлар сирасига киради. Мен унинг яна бир неча йил биринчи рақамли футболчи бўлиб қолишига тилакдошман!

Лука Модрич

Роналду шундай ўйинчи-ки, у қандай клубдан кетишидан қатиъй назар  ўша клуб кучсизлашиб қолади. Унинг ўринбосарини топишнинг иложи йўқ. У бизга ҳозирда очиқчасига айтганда етишмаяпти. Сабаби, у ҳар мавсумда «Реал» учун 50 та гол урарди. Ҳозир, бунақа футболчини топишнинг иложи йўқ. Айнан бизга бу мавсумда Кришнинг голлари етишмади деб ҳисоблайман.

Карваҳал

Роналдуси бор клуб кузер қартаси бор жамоага ўхшайди. У исталган рақибга қарши бахсда Роналдуни ишга солиб ғалаба қозониши мумкин. Бу мавсумда биз кўп гол уришга муваффақ бўлдик бироқ, керагидан ортиқ ўтказиб юбордик. Мен Модричнинг сўзларига қисман қўшиламан. Шундай бўлсада, биз ўз устимизда ишлашда давом этсак, мақсадга эриша оламиз деб ҳисоблайман.

Кейлор Навас

Роналдунинг кетиши бизга қаттиқ таъсир қилди. Қанчалар таъсир қилганини бу мавсумдаги натижларимизга қараб билиб олишингиз мумкин. Тўғри, Роналдунинг кетишидан ташқари яна айрим муоммолар пайдо бўлди, бироқ биз Роналдудан бошқа ҳамма муоммоларни ҳал қилдик. Қуёшни қўл билан тўсиб бўлмаганидек, биз Роналдусиз бу мавсум ўзимизга ўхшамаганимиз ҳаммага шундоқ ҳам аён бўлиб турибди. У ўз олдига жуда катта мақсадлар қўйиб, мақсад сари тинимсиз одимлайдиган инсон