Хабарингиз бор, Испания клубларининг аксарияти учун мавсум ўз якунига етди. «Барселона» клуби ички чемпионатда ғолиб чиққани ва кубок финалида ўйнашини ҳисобга олган тақдиримизда ҳам, ўзининг асосий мақсадига ета олмагани аламли бўлди. Бугун «Барселона» клуби сардори Месси томонидан мавсумни энг ёмон ўтказган учта ўйинчи ҳақида билдирган интервьюларини эътиборингизга тақдим этамиз.
Пике
«Интер» кучли рақиб! Айниқса, бугун улар буни амалада кўрсатишди. Энг муҳими шундаки, жамоа менсиз ҳам ўйинда кутилган натижага эриша олишди ва «Барса» фақат менга қараб қолмаганини исботлади. Камчиликлар йўқ эмас, бор. Айниқса, ҳимоя чизиғИ вакиллари рақиб ҳужумчиларига очиқчасига ета олмай қолишди. Пике бугун бир неча бор рақибларга тезлик борасидаги курашда енгилди ва оқибатда уларда бўш зўналар пайдо бўлди. Мен тезроқ сафга қайтишни ва жамоамга ёрдам беришни истайман.”
Дарҳақиқат, бу мавсумда Пике сира ўзига ўхшамади ва кўп маротаба тезлик борасида рақибдан ортда қолди. Бежизга «Барселона» трансфер ойнасида асосий эътиборни ҳимоячига қаратмади.
Фелиппе Коутиньо
“Биз Валверде билан биргаликда Фелиппе ҳақида суҳбатлашдик. Тан олиш керак, у бу мавсумни жуда паст темпда ўтказмоқда. Унинг ўйинларга маъсулиятсизлик билан ёндошяпти ва бу клуб ўйинига ўз таъсирини ўтказмай қолмаслиги аниқ! Биз унинг «Ливерпул»даги фантастик ўйинларини бир неча бор кўрганмиз ва унинг иқтидорига шубҳамиз йўқ. Биз бирлашишимиз даркор. Ҳозир бўлинсак, муҳим учрашувларда мағлубиятга учрашимиз мумкин. Шундай экан, ҳозир бир жамоа бўлиб ҳаракатланишимиз керак!”
Дарҳақиқат, бу мавсумдаги энг омадсиз футболчилардан бири сифатида Фелиппе Коутинони кўрсатсак, адашамаган бўламиз. Унинг бу мавсумдаги омадсиз ўйинлари сабабли ёзда клуб ундан «қутилиш» ниятида.
Кевин-Принс Боатенг
“Ҳозирча «Барселона» клубининг суяклари мустаҳкам. Биз бу мавсумда ички чемпионатда тенгсиз бўлдик ва кубок финалида ҳам ғалаба қозониш учун қулай имкониятимиз мавжуд. Шундай бўлсада, бу мавсумни кўплаб мухлислар омадсиз деб ҳисоблашмоқда. Ўйлашимча, бунга омадсиз трансферларнинг ҳам таъсири бор. Мен Боатенгнинг нима учун ҳарид қилинганини ҳалигача тушуна олганим йўқ. Аҳир майдон марказида Бускетс ва Ракитич сингари супер ижрочилар мавжуд бўлса, ганалик футболчи улардан савия жиҳатидан анча пастлиги шундоқ равшанку! Тўғриси, трансферларга мен аралашмайман. Ҳаммасини раҳбарият ҳал қилади.”
Мессининг сўзларига юз фоиз қўшилишимиз мумкин. «Сассуоло»дан ижарага олинган футболчининг ўзи ҳам нима учун «Барселона»га ўтганига тушуна олмаган бўлса, ажаб эмас. Тан олиш лозим, у “«Барселона»нинг мавсумдаги энг ёмон ўйинчиси” бўлди деб ёзмоқда «Мундо Депортиво» нашри!
